Bahut Sare Password Kese Yaad Rakhe

Password solution

Bahut sari websites hoti hai jinme hamara account hota hai, or itne sare account ke password yaad rakhna bahut hi muskil ho jata hai. koi log to gmail or facebook ke hi 3-4 account bana ke rakhte hai to socho, kitne sare social sites hai, kitne saare shopping sites, fir bank, school, emails ye to alag se hai. Par itne sare password ko kese yaad rakha jaye. Agar kahi notebook me ya computer me note kar ke rakhte hai or vo kisi ke hath lag gaye to or jyada problem ho sakti hai.

Iske liye aaj me yaha ek secure tarika batane ja raha hu jo aap dhyan laga ke padhiyega. Ye tarika ap mobile or computer dono me use kar satke hai. Niche step wise bataya ja raha hai.

  •  Iske liye sabse pahle aap ke pass me chrome browser hona hi chahiye.
  • Chrome browser me sabse uper right corner me, apne person 1 likha huwa dekha hoga. Ap niche photo me dekh sakte hai.

many passwords

  • Apko person 1 par click karna hai fir sign in to chrome par click karna hai.
  • Ab apse ID/Password bharne ke liye pucha jayega to apne apni Gmail ki koi bhi ID/password dalne ke baad next karna hai. Esha karne se aap chrome me login ho jaoge. Jaha person1 likha tha vaha apka name likha huwa aa jayega
  • Apko apke name par click karna hai fir ek page open hoga usme ap agar koi profile pic lagana chahte hai to uska option milega.
  • Ab sabse uper edit person likha huwa hoga or uske pass ek arrow ka symbol hoga, apko symbol per click karna hai.
  • Ab apke samne setting ka ek page open hoga jisme apko Sync par click karna hai, jesa ki ap niche photo me dekh sakte hai.

 

forget password

  • Sync par click karne ke bad kuch or options open milenge. jo kuch is prakar honge.

free password remember

  • Is picture me sync everything option activate hai, iska matlab ye hai ki niche ke sare options bhi activate hai. Agar aap sare options ko activate nahi karna chahte hai,  to bhi passwords ka jo option hai use apko activate hi rakhna padega. Agar Passwords ka option activate nahi hai to use activate kar lijiye.
  • Ye karne ke baad apne thoda sa or niche jana hai jaha encryption options hai, ap picture me bhi dekh sakte hai.

 

lot of passwords

  • Isme jese mene first option ko select kar rakha hai, vese hi apko bhi first option hi select karna hai.
  • Ab apne uper address bar me ye url type karna hai  http://passwords.google.com/  ya fir aap ispe bhi direct click karke ja sakte hai.
  • Fir se usi ID/Password se login karna hai.
  • Login karne ke baad apko magic dikhega jese ki niche picture me dikh raha hai.

password

  • Agar aap bhi padhne ke sath is process ko karke try kar rahe hai, to shayad apne bhi magic dekh hi liya hoga. Esha hi ek page apke samne open hoga. jisme apke ID or passwords show honge agar apne chrome ko pahle se hi login kar ke rakha hoga to apko ye jarur dikhai de rahe honge kyonki chrome me maximum time password auto save ko enable hi kiya hota hai. Agar nahi kiya huwa hai to ab jab bhi ap naya password kahi fill karoge to isme apne se save ho jayega.
  • Password ko dekhne ke liye eye ke symbol par click kare jaha mene arrow bana rakha hai.
  • Agar ap mobile me bhi chrome browser use karte hai to mobile or computer dono ko ek hi gmail ID se login kare fir ap mobile me bhi kuch login karoge ya new registration karoge to apke ID/Password yaha show ho jayenge.
  • Apko ek kam or karna padega apse computer permission lega ki is password ko save karna hai ya nahi to ap sabhi password ke liye yes par click kar sakte hai.

Yaha kuch suggestions hai ise jarur padhe.

  1. Chrome ko login sirf apne computer ya mobile me hi kare dusre ke computer me apni ID se login karke na rakhe.
  2. Bank ya kisi financial site ke ID/Password ko save karne ki permission mangne par No par click kare. 1-2 password to ap yaad rakh hi sakte hai.
  3. Kisi ko apni is gmail ID ke password nahi bataye, jis se apne chrome me login karke rakha hai.
  4. Cyber cafe me beth kar kabhi password manager na khole.
  5. Cyber cafe me beth kar agar ap koi site me registration kar rahe hai or apse password save karne ki permission mangi jati hai to ap NO per hi click kare.

To dosto aasha karta hu ki mene apki problem ko solve kar diya hoga. Kese lage mere ye suggestios mujhe jarur comment kijiyega. Ache lage ho to Share karna na bhule. Isme koi problem aa rahi ho to bhi ap bejhijhak comment kare, mail kare, facebook ya twitter par bhi puch sakte hai. Dhanyawad.

Leave a Reply