Locate Exact location of lost mobile – hindi

Track your lost smartphone

Mobile Ki Exact Location kese Track Kare?

Is Post me janenge ki apke chori ya gum ho rakhe mobile ki location online map par kese track kar sakte hai. Apke mobile ki location ap ghar bethe bhi track kar sakte hai. Mobile location ko track karne ke alawa ap mobile data erase bhi kar sakte hai.

Mobile chori hona to aajkal aam baat ho gayi hai, aap me bahut logo ke sath esha huwa bhi hoga. chori hone par jitna dukh Mobile ke chori hone ka nahi hota hai, us se kai guna jyada dukh to is baat ka hota hai, ki jo important or confidentential data mobile ke andar hai uska kya hoga. Kahi koi misuse to nahi hoga. Sab jante hai ki agar mobile kisi hacker ke hath lag gaya to kitni badi samasya ho sakti hai. Agar aap detail me padhna chahte hai, ki apke mobile ke sath kya kya ho sakta hai to aap ye post “Bhari Pad Sakta hai Mobile Chori Hona” jarur padhe.

Google Map par Mobile ko track kese karna hai ?

Feature Phone User (All Type) – Yaha par aap sirf Smartphone ko hi track kar sakte hai. Agar aap Feature Phone istemal karte hai to vo phone is process se track nahi kiya ja sakta hai kyonki feature Phone sirf IMEI se hi track kar sakte hai. Uske liye apko Police station me jana padega or FIR lodge karwani hogi. Apke Mobile bill ki copy bhi Police Station me deni hogi. Police apke mobile ko track kar ke degi. Agar apka mobile police se track nahi bhi  kiya jata hai to apka SIM Card Misuse nahi kiya jayega kyonki apke SIM Card ko police band karwa degi.

Smartphone User  – Yah post Smartphone users ke liye hi hai. Smartphone ke chori ya gum ho jane par apko niche batai gai process ko follow karne ke sath sath  niche ek hindi video diya ja raha hai, jise apko jarur dekhna chahiye or subscribe bhi jarur kare.

For Android – Android Smartphone user chori ho rakhe ya gum ho rakhe mobile ko track karne ke liye niche diye gaye steps ko follow kare.

  • Sabse pahle google me apko search karna hai “Android Device Manager”.
  •  First Result par click kare.Android Device Manager
  • Apse login ke liye pucha jayega to apko Google ke hi ID/Password lagane hai or vo password lagane hai, jo aapne mobile ko ragister karne ke liye use kiya tha, ya jo ID/Password aap us mobile ke gmail app me use karte the.
  • Login ho jane ke baad aapke samne Google Map open ho jayega jisme apke mobile ki location show ho rahi hogi.
  • Right side me niche zoom out or zoom in ka option milega jis se ap Map ko jitna chaho utna zoom kar sakte ho. Zoom karke aap apne mobile ki location clear dekh sakte ho.

    Track Location
    Google Map
  • Ab apko ye pata karna hai ki Apke Mobile ki location kaha hai.
  •  Agar apke mobile ki location apke location se pass me hai to aap mobile ke pass ja sakte hai.
  • Ab agar aap mobile ke pass chale gaye, fir bhi apko mobile nahi mil raha hai ya nahi dikh raha hai to aap apne mobile me call kar sakte hai. Call karne ke liye apko Play Sound button par click karna hai jo isi website me left side menu me milega. Yaha par apka mobile agar silent mode par hai to bhi apko chinta karne ki jarurat nahi hai ring fir bhi bajegi. Kabhi kabhi hamara mobile ghar me hi kahi rakha hota hai lekin vo nahi milta hai to uske liye bhi aap ye process follow kar sakte hai.

    Track Location
    find my device
  • Ab agar Map me apka mobile kahi dur show ho raha hai to aap second option Lock ko use kar sakte hai. Isme apko lock button par click karna hai. Lock button me apko do option or show honge. Jisme apko recovery message or phone number dalne hai or fir lock par click karna hai. Ye recovery message or Phone number usko dikhenge jiske pass apka gum ho rakha mobile hai. Aap apne recovery message me koi reward ke liye bhi likh sakte ho. Jese vo apko mobile vapas pahuchayega to aap use kuch amount de doge.
  • Ab agar Map me apka mobile bahut hi jyada dur hai, itna door ki aapke vaha tak pahuchne me bahut time lag jayega ya jana mobile se bhi jyada expensive hoga ya fir aap apke mobile ke data ke sath bilkul risk nahi lena chahte, to aap last option Erase ko use kar sakte hai.
  • Erase par click karne se apke mobile ka sara data delete ho jayega. Agar apka mobile offline hai to bhi ye option jarur istemal kare, kyonki mobile ke online aane par ye data erase ho jayega.

Ye sare feature aap android ki Find My device app par bhi use kar sakte hai.

Download Find My Device Application (For Android Users)

For iPhone User – Agar apke pass iPhone hai, to app google par search kare Find My iPhone isme bhi vahi steps apko follow karne hai jo uper android mobile ke liye istemal kiye the or isi name ki apple ki application bhi apko apple store se mil jayegi ya fir niche diye huye link par click karke bhi ja sakte hai.

Apple Website

Downlaod Apple Application

For Window User – Agar aap window phone use karte hai to aapko Mobile find karne ke liye Microsoft ka Login page use karna padega. Login page me ID/Password dalne ke baad apko profile me jana hai. Profile me apne device par click karna fir jo aage ke steps hai vo same hi hai.

Track Location
Window Phone

Go to Microsoft Login Page

Jo uper bataya gaya hai uske liye apka mobile online hona chahiye. Agar apka mobile abhi tak kisi se unlock nahi huwa hai, to kafi chances hote hai, ki apka mobile online ho. Kyonki har koi apka mobile offline nahi kar sakta hai, uske liye apka mobile unlock karna padega, jo har koi itna jaldi nahi kar payega. Agar apka mobile kisi ko abhi tak mila hi nahi ya fir kahi gum hi huwa to kafi chances hai ki apka mobile online ho, bas apko Mobile ki battery low hone se pahle mobile find karna hai. Agar apke kisi friend ne apke sath prank (majak) bhi kiya hai, to aap bhi silent Mobile me ring baja ke use samne se fool bana ke, apna impression bana sakte ho.

Now Read : Bhari Pad Sakta hai Mobile Chori Hona

Ye the kuch tips. Aasha karta hu apko ye post pasand aayi hogi. Aap apne Exprience, Sujhav or Koi questions hai to comment kar sakte hai.

 

Leave a Reply